valancior_hks

Шаноўнае спадарства!

5 кастрычніка Беларускі камітэт ICOMOS праводзіць імпрэзу
"Сустрэча валанцёрскіх ініцыятыў - 2011".

Мы запрашаем прадстаўнікоў валанцёрскіх летнікаў у сферы аховы спадчыны, каб яны распавялі пра тое як прайшоў сезон 2011, пра свае ўражанні, здабычы і праблемы.
На дадзены момант у сустрэчы пагадзілся прыняць удзел валанцёры з летнікаў у Крэва (ДФ "Крэўскі замак"), Гальшанаў (ГА "БК ІКАМОС"), Любчы (ДФ "Любчанскі Замак"), з Гальшанскага гарадзішча (археолагі АН), Усялюба (МГА "Гісторыка"), Сынкавічаў і Строчыцаў (БАСА).
На сустрэчы можна будзе даведацца, што знайшлі пад час раскопак на Юравай гары ў Крэва, над чым зараз працуюць архітэктары ў Любчы, колькі год усё ж такі Сынкавіцкай царкве і якія таямніцы Гальшанскага гарадзішча былі адкрытыя ў гэтым годзе.

Напрыканцы вечарыны для нас зайграе бард Яўген Барышнікаў!

Вечарына адбудзецца ў Музеі Максіма Багдановіча.
Пачатак у 17.00

PS Спіс удзельнікаў не канчанковы! Калі ў вас будзе жаданне распавесці пра тое, што рабілі вы гэтым летам (прыборкі, расчысткі, раскопкі), паведамляйце.

Валанцёры пачынаюць выкладваць свае спаваздачы аб летніках.

Гальшанскі летнік

З 1 па 15 жніўня 2011 г. у м. Гальшаны Ашмянскага р-на будзе працаваць, пры ўдзеле спецыялістаў з Літвы, юбилейная археалагічная экспедыцыя Інстытута гісторыі Акадэміі навук Беларусі. Раскопкі будуць праводзіцца на гарадзішчы 4-16 стст. Кіраўнік экспедыцыі – Павел Кенька.  

Запрашаем да ўдзелу ўсіх, хто імкнецца з карысцю правесці вольны час у добрай кампаніі ў адным з найпрыгажэйшых куткоў Беларусі. Прыемныя ўспаміны гарантуюцца!

З сабой неабходна мець намёт, працоўнае адзенне, ежу на сябе з улікам колькасці дзён, на якія Вы плануеце застацца.

Кантакты: +375 29 7651704 (Павел), +375 29 878 1918 (Яўген), e-mail: zmicerbelapol@inbox.ru



( Глядзець астатнія здымкі... )

29 красавіка 2011 г. на могілках у в. Стайкі Барысаўскага р-на, пра якія я калісьці пісаў ( zmicierbielapol.livejournal.com/39169.html), высадзіўся наш невялікі працоўны дэсант з пяці чалавек. Гэта наша першае дзеянне з нагоды надыходзячай Радаўніцы. Могілкі, хоць і пасярод вёскі, моцна занядбаныя. Надмагіллі альбо ўраслі ў зямлю, альбо паваленыя, шмат смецця, хмызняк. Гэтым разам мы сабралі смецце, пазграбалі траву і лісцце, павысякалі месцамі хмызняк, пачысцілі і ўсталявалі тры паваленыя каменныя надмагіллі, усталявалі адзін павалены крыж, расчысцілі некалькі пахаванняў, паклалі дзядам велікодныя яйкі, на крыж павязалі ручнік. Папрацавалі добра, але шмат чаго яшчэ засталося зрабіць. Але наступным разам. А ў скоры час будзе традыцыйная штогадовая талака на барысаўскіх курганах.









( Фотасправаздача 3 мб )

Прапануем вашай ўвазе спіс валанцёрскіх летнікаў лета 2011 ў Беларусі. Ён хутчэй за ўсё не поўны, бо валанцёры хаваюцца і канспіруюцца, але ўжо з таго, што ёсць можна выбіраць.
Пражыванне ў большасці з гэтых летнікаў - намётавае, харчаванне можа быць безкаштоўнае, ці часткова аплочваецца самімі валанцёрамі. Падрабязнасці найлепей даведвацца ў арганізатараў.
Калі раптам вы ведаеце пра нейкую ініцыятыву, якой тут няма, інфармуйце, дадамо.

Карацей выбірайце і правядзіце гэтае лета з карысцю для сябе і для нашай спадчыны!

“Строчыцы-2011”
Месца правядзення: Музей народнай архітэктуры і побыту, в. Азярцо, Мінскі раён.
Даты: 5.07 - 15.07.2011.
Тып работ: працы па добраўпарадкаванні тэрыторыі музейнага комплексу, абмеры, пленер.
Арганізатар: МГА “Беларуская асацыяцыя студэнтаў-архітэктараў”.
Кантакты: (+37529) 380-99-60 (Леў), http://vkontakte.ru/event26446338

“Любча над Нёманам 2011”
Месца правядзення: в. Любча, Навагрудскі раён.
Даты: 8.07 - 19.07.2011.
Тып работ: рэстаўрацыйныя працы на замку, чыстка замкавага парку, нарыхтоўка будаўнічых матэрыялаў, архіалагічныя працы, абмеры, пленер.
Арганізатар: МГА “Беларуская асацыяцыя студэнтаў-архітэктараў”.
Кантакты: (+37529) 601-47-77 (Улад), http://vkontakte.ru/event26445318

“Мураванка-2011”
Месца правядзення: в. Мураванка, Шчучынскі раён.
Даты: 4.08 - 14.08.2011.
Тып работ: прыборка.
Арганізатар: МГА “Беларуская асацыяцыя студэнтаў-архітэктараў”.
Кантакты: (+37544) 740-24-62 (Дзмітры), http://vkontakte.ru/event26446503

“Крэўская вунія – 2011”
Месца правядзення: в. Крэва, Смаргонскі раён.
Даты: 1.07 – 15.08.2011.
Тып работ: археалагічныя раскопы, рэкультывацыя, збудаванне кансервацыйных канструкцый, прыборка тэрыторыі.
Арганізатар: ДФ “Крэўскі замак”
Кантакты: +375295513335 (Вольга) http://kreuskizamak.by/?page_id=28

“Гальшаны – 2011”
Месца правядзення: в. Гальшаны, Ашмянскага раёна.
Даты: 1.08 – 15.08.2011
Тып работ: прыборка і апісанне надгробкаў на старадаўніх могілках.
Арганізатар: ГА “Беларускі камітэт ICOMOS”
Кантакты: +375292772944 (Наста) http://valancior-hks.blog.tut.by/

“Замкі Беларусі – 2011”
Месца правядзення: в. Залессе, Смаргонскі раён.
Даты: 13.07-26.07.2011
Тып работ: добраўпарадкаванне тэрыторіі сядзібы ХІХ ст. М. К. Агінскага.
Арганізатар: “Беларуская асацыяцыя клубаў ЮНЭСКА”
Кантакты: 017 237 48 57 http://www.belau.info/

“Спадчына Радзівілаў-2011”
Месца правядзення: г. Нясвіж.
Даты: 3.07 – 17.07.2011
Тып работ: добраўпарадкаванне тэрыторіі парка, археалагічныя раскопы.
Арганізатар: “Беларуская асацыяцыя клубаў ЮНЭСКА”
Кантакты: 017 237 48 57 http://www.belau.info/

Раскопкі ў Докшыцкім раёне
Месца правядзення: в. Бірулі, Докшыцкага раёна
Даты: 3.07 – 27.07.2011
Тып работ: археалагічныя раскопкі на помніках 10 ст.
Арганізатар: археолаг Андрэй Вайцяховіч
Кантакты: +375295782375

Археалагічная экспедыцыя “Палатыда-2011”
Месца правядзення: в. Лучна, Полацкага раёна
Даты: Прымаюцца валанцёры на любы тэрмін пачынаючы з 27 ліпеня
Тып работ: археалагічныя раскопкі комплекса феадальнай сядзібы ХІ -- XVIстст., могільніка ХІІ--ХІІІстст., XVI--XVIIстст
Арганізатар: археолаг Марат Клімаў
Кантакты: +375297762675

Раскопкі ў Гальшанах.
Даты: 1-31 жніўня (некалькі выездаў тэрмінам на 7-10 дзён + магчыма выезды ў верасні).
Тып работ: раскопкі княскага гарадзішча (4-16 стст.) і могільніка 12-13 стст.
Арганізатар: Павел Кенька
Кантакты: +375 29 7651704 (Павел), +375 29 878 1918 (Яўген)

Падрыхтавана ГА "БК ICOMOS"

У “Газеце Слонімскай” з’явіўся матэрыял пра валанцёрскія ініцыятывы лета. І падаецца гэты блог сам таго не ведаючы дапамаг у яго напісанні У любым выпадку, варта прачытаць:
Помнікі гісторыка-культурнай каштоўнасці ды іх валанцёры
А поўны спіс валанцёрскіх ініцыятыў лета будзе размешчаны тут на працягу тыдня.

ГА “Беларускі камітэт ICOMOS” распачаў падрыхтоку валанцёрскага летніка ў в. Гальшаны, Ашмянскага раёну, Гарадзенскай вобласці.

Мэта летніка: расчыстка і апісанне старых каталіцкіх могілак у вёсцы.

Летнік будзе праводзіцца сумесна з гісторыка-краязнаўчым таварствам “Этна” (БДУКіМ) і краязнаўчым клубам “Камяніца” (МДПДіМ).

Час правядзення: жнівень 2011 г.

Больш дакладная інфармацыя аб часе правядзення, плануемых працах і магчымасцях удзелу з’явіцца у канцы месяца.

Шаноўныя сябры!
Дабрачынны фонд “Крэўскі замак” ладзіць археалагічныя раскопы 1-30 ліпеня 2011г.

У вёсцы Крэва будзе праходзіць валантэрскі летнік, галоўнай мэтай якога з’яўляюцца археалагічныя даследванні, выяўленне рэштак старой забудовы, і афармленне мапы гістарычных помнікаў мястэчка.
запрашаем да удзелу валанцёраў.

падрабязную інфармацыю можна атрымаць па тэлефонах:
Вольга Кастрамінава – (029) 5513335
Рыгор Шабека – (029) 7610220

Сайт Дабрачыннага фонду: http://kreuskizamak.by/